O Galego na Rede

TEMAS A TRATAR

2006-06-06T21:48:00.000+02:00

1_ INTRODUCCIÓN AO TRABALLO
2_ O NACEMENTO DE INTERNET
3_ GALICIA, SÍ, É ÚNICA
4_ OUTRA GRAN LINGUA: A MÚSICA
5_ "GALEGADAS"
5.1_ A GAITA GALEGA
5.2_ A VACA GALEGA
5.3_ O MAR
6_ DEBATES/ENQUISAS
6.1_ DEBATE SOBRE O GALEGO
6.2_ ENQUISA SOBRE A TUA PALABRA PREFERIDA EN GALEGO
7_ EDUCACIÓN SEXUAL
8_ GRUPO DE TEATRO FALABARATO
9_ LETRAS GALEGAS: MANUEL LUGRÍS FREIRE
10_ FOROS EN GALEGO
11_ ANUNCIO DE FANTA

INTRODUCCION O TRABALLO E OBXECTIVOS

2006-06-06T20:10:00.000+02:00

Este traballo sobre os recursos e posibilidades do galego en internet interesounos principalmente pola sua actualidade e a súa conexón coa xuventude de hoxe en día. Sentímonos identificados con esta nova forma de traballar que mistura o traballo tradicional, como a busqueda de información en libros, enquisas, xornais...con este novo avance que é internet, un novo mundo cheo de posibilidades e aberto a todos.
Creemos no galego e defendemos a sua digna posicion neste ámbito.
O noso principal obxectivo e aprender. Aprender sobre a nosa lingua e sobre como se adentrou o longo dos anos na rede.

PEQUENA INTRODUCCIÓN O NACEMENTO DE INTERNET

2006-06-06T19:12:00.000+02:00

Xa que estamos a falar sobre os recursos e posibilidades de internet, cremos apropiado falar sobre o seu nacemento e a súa evolución para que hoxe podamos estar escribindo isto aquí.
Millóns de persoas en todo o mundo utilizan Internet, como ferramenta de traballo, ocio, necesidade,... pero ¿Canto tempo fai que naceu Internet? ¿Quen o inventou?
Temos que dar marcha atrás no tempo e remontarnos ao ano 1955, cando o presidente dos EE.UU, Eisenhower, planeou lanzar un pequeno satélite artificial. Rusia (a Unión Soviética por aquel tempo) pola súa parte reaccionou lanzando o “Sputnik”(pequena esfera), que sería o detonante para que EE.UU non se quedara cos brazos cruzados. Este país, despois do lanzamento do “Sputnik”, creou a Axencia de Proxectos avanzados de Investigación (coñecido como ARPA) que xunto coa Fundación nacional da ciencia (coñecido como NSF), e outras máis, serían clave importante para o nacemento de Internet.
Tras varios experimentos e investigacións de tecnolóxicos e científicos da personalidade coma Leonard Kleinrock, Lawrence G. Roberts, John Licklider e moitos máis é cando no ano 1965 un proxecto desenrolado por: Kleinrock (un mestre), e o seu grupo pequeno de estudantes graduados, lograban poñer en contacto remotamente a unha computadora de Stanford para intentar enviar algún dato. É foi nese momento cando os científicos de todo o mundo podían intercambiar información.
A base do que hoxe en día é Internet foi todo un éxito. Dende ese momento ata o día de hoxe, non se parou de innovar e incrementar as aplicacións sobre este sistema de conexión. As posibilidades de este medio non ten límites.

GALICIA, SÍ, É ÚNICA

2006-06-06T18:15:00.000+02:00

Velaquí un dos mellores anuncios de Galiza endexamáis vistos. Quizás non sexa moi atráctivo para os turistas, porque non miran nese anuncio nin a metado do que podemos mirar nos. Pero para os galegos este anuncio é unha ledicia, é fermoso e entrañable...."Palabras únicas para sentimentos únicos..."

OUTRA GRAN LINGUA: A MÚSICA

2006-06-06T17:05:00.000+02:00

Descrita por algúns dos mellores compositores como a súa forma de comunicarse co máis aló, a música sempre forma parte integrante na cultura de calquera pobo. En Galiza a música tivo a súa época de esplendor á vez co galego, pois na nosa cultura, música e lingua están moi unidas. Calquera poema de xograres de toda Galiza era musicalizado e isto atraeu a moitas persoas, o que enriqueceu moito a súa cultura. Pero non imos utilizar internet para falares de Afonso X nin de Mendiño, así que imos ver que quedou deles.
A principios dos oitenta, Vigo experimentou unha forte cultura musical,o igual que todo o mundo, pero o que en realidade destaca de Vigo e que conseguiu converterse nunha das cidades máis importantes de España en música pop-rock. Unha cousa xa estaba clara, os galegos temos un especial sentido para a música. O único problema de Vigo era que case ningún grupo usaba o galego, que parecía que estaba relegado a unha música folk sen apenas público. A cousa evolucionou (e segue evolucionando), e agora focos de xóvenes nas cidades usan o galego para comunicarse, o que deu pe a que apareceran grupos novos en galego, como Festicultores, Cenk, Guezos, Galegoz, Nao, A Banda de Poi, Presencia Zero ou Balbordo, estes últimos da nosa vila.
Para rematar,é un feito que o galego non esta no seu mellor momento, pero esta situación se pode arranxar, e un factor historicamente importante para unha lingua é a música. Nela se ven avances positivos e creo que isto é moi favorábel para a súa normalización.....Por que non utilizar o galego para comunicarnos co máis aló?

A GAITA GALEGA

2006-06-06T16:31:00.000+02:00

Esta é un comentario que está baseado na entrevista cunha vella chamada Carmen, unha moi sabia gaiteira e outra pouca de información que atopamos de vellos libros.
MOITO CAMBIARON AS GAITAS DENDE OS SEUS COMENZOS. Antes cando os foles das gaitas eran todos de goma e tiñan un tapón que había que abrir de vez en cando para achicalo e que non se encharcase
Despois chegou a febre dos foles de cabrito ou becerro e todas as gaitas foron de fol de cabrito,(para Carmen o mellor que hai),aínda que agora o que se leva e o goretex e case tódalas gaitas veñen así a non ser que de caprichoso se queira un fol de cabrito.
Con respecto a alma da gaita, o corazón é a palleta, están feita de cana de apenas un par de centímetros. Hai verdadeiros artesáns hoxe en día que para Carmen non son artesáns senón artistas en si,porque según di o seu marido intentouno varias veces e é realmente complicado facelas.
Son realmente delicadas o estar feitas de cana e ahí está o negocio xa que rachan como nada.
Para aprender a afinar unha gaita hai que romper unhas cantas palletas antes. Depende da temperatura que faga,a gaita que sexa,a tonalidade na que estea,en fin un mundo moi profundo...
Nas madeiras das gaitas tamén hai onde escoller:Granadillo,pau santo,pau rosa,buxo....
Todas elas son madeiras que necesitan un coidado de moitos anos como os bos viños,pero a verdade merece a pena de ahí os prezos das boas gaitas que oscilan actualmente entre os 800-900 € e os 2000,3000...tendo cartos o que queiras,as hai talladas,a podes ter coa túa sinatura....un mundo de cousas....
Fai 15-20 anos o buxo era a madeira mais barata,hoxe en día e practicamente a máis cara,debido a que escasea e a que tarda moitísimos anos en secar tantos como 15 aproximadamente.
Na Guarda existen unha infinidade de grupos de gaitas: Do Lusco o Fusco, grupo de gaitas Airiños do Trega, grupo de gaitas os Petóns, grupo de gaitas Os Pelouros, grupo de gaitas da Terceira Idade....
Se queredes ampliar información sobre este gran mundo de gaitas, este é un enlace moi interesante: www.seivane.es , trátase dun artesán de gaitas nado en Lugo, que é considerado por todos os galegos o rei.

A VACA GALEGA

2006-06-06T15:11:00.000+02:00

A “toleira” de este comentario veunos porque en moitas partes de Galicia, a vaca, é todo un símbolo e algo que valorar. Vale máis o que significa para nós unha vaca que o que simboliza un forte león.
A vaca esqueceuse dos cornos e danos o seu traballo, o seu leite, a súa carne, o seu coiro e a carne e o coiro dos seus fillos. Non nos pode dar máis.
A vaca é o amparo dos pobres libres. Canta xentiña viviu durante épocas de fame ou simplemente hoxe destes animais? Nutríndose coa súa leite e vendendo o seu coiro.
Os concursos de vacas leiteiras valen máis que os "concursos de BELEZA". Nesta vila non apreciamos tanto isto, pero hai lugares, como é o caso de Chantada, onde o concurso vacún é un gran acontecemento esperado durante todo o ano. Reúnese xente de toda Galiza e tras longas deliberacións elíxense varias campioas; a máis “guapa”, a máis grande, as mellores ubres....
O día que saibamos o que vale unha vaca, Galiza quedará redimida.
Finalmente queremos facer fincapé na edición dun libro chamado: "Refraneiro galego da vaca" que ofrece un amplo estudo sobre o campo semántico da vaca galega dende hai anos, por un veterinario, Pedro Benavente Jareño e un filólogo, Xesús Ferro Ruibal. Ambos recolleron e estudiaron, contando coas variantes dialectais, máis de dez mil palabras, máis de mil refráns, cantigas populares, adiviñas e mesmo os relatos galegos de tradición oral. En fin, o material recollido nas case oitocentas fontes manexadas mostra información de todo o territorio galego e nel, naturalmente, rexístrase todo canto os autores atoparon xa publicado verbo deste tema.

O MAR

2006-06-06T14:20:00.000+02:00

E xa que antes falamos de que nalgunhas partes de Galiza se sinten moi identificados ca vaca galega, quedaría moi mal que non falaramos do que a nos, os guardeses, nos fai sentir vivos: o mar.
- Para min o mar é un mundo inmenso cheo de posibilidades, comportase como unha persoa, as veces está calmadiño e outras revolto porque quere que lle prestemos atención.....

- O mar inspírame moitas cousas, milleiros de cousas que non podería expresar con palabras, pero hai outras que si. Por exemplo agora mesmo estouno observando... Está calmo e cunhas poucas ondas que rompen contra as pedras. Miralo así prodúceme tranquilidade, paz, pero hai outras veces; cando chove e está bravo que me transmite rabia, incluso cando miro para el sinto algo de medo, pero sen dúbida algunha o que máis me gusta do mar son eses días de verán que estás na praia e sentes ese airiño fresco...

O mar… para min o mar representa algo máxico, algo inmenso, infinito. Onde moita da súa auga componse de pequenas gotas de suor e bágoas de mariñeiros e traballadores que traballan día e noite. O mar tamén é poderoso e, as veces, terrorífico onde dunha gran marexada todo desaparece envolto nunha gran ola, iso é para min o mar.

Aquí quero deixar un pequeno poema dun poeta chamado Jose Hierro:

SI MUERO QUE ME DEJEN A SOLAS
LA MAR ES MI JARDÍN
NO PUEDE QUIEN AMABA LAS OLAS
DESEAR OTRO FIN

DEBATE SOBRE O GALEGO

2006-06-02T17:27:00.000+02:00

Cando nos preguntamos que é o galego para Galiza ninguén sabe responder. A maioría da xente di que é a lingua de Galiza, pero hai algo máis profundo niso. Cando ti te esqueces ou simplemente non utilizas o teu idioma, perdes a túa identidade? Uns defenden o galego arma contra a globalización e outros como a incultura. A verdade é que non se pode negar que o galego ten historia, moitos din que é unha gran lingua en decadencia, e é o seu futuro incerto o que lle da máis importancia o noso debate:

- Eu penso que o galego é algo propio de nos, algo característico dos galegos. Pero porque alguén fale ou non galego non se ten que sentir máis ou menos galego. Eu nacín en Galiza e estou moi orgullosa diso, estou fora e sinto morriña, escoito unhas gaitas e emociónome....sen embargo non falo galego, pode alguén dicir que non son ou que son “mala” galega? Todo ten un significado moi ambiguo. Incluso podo defender o galego sen falalo, non o facían así os autores do rexurdimento? Creo que cada vez o tema de ser galego está moi materializado, penso que ser galego é algo que tes que sentir ti e ninguén máis.

- Miña opinión sobre o tema é moi distinta. Se non falas galego, como vas a defender o galego? Pareceme unha idea un tanto hipócrita porque significaría dicir que valoras algo que nin sequera o usas, e iso que o tes ahi esperando para usalo. Penso que deberiamos falar galego en Galiza, sería unha boa maneira de revalorizarnos a nosotros mesmos. Xa o dixo Frei Marin Xarmiento no XIII, "Esta ben que saiban linguas extranxeiras, pero sen esquece-la propia".

ENQUISA:MELLOR E PEOR PALABRA EN GALEGO

2006-06-02T14:56:00.000+02:00

O galego é un idioma moi peculiar e con moita variedade lingüística. Estamos seguros de que todos vos escoitáchedes algunha vez unha palabra peculiar que vos fixo pensar no enriquecida que esta a nosa lingua. É sen dúbida, os matices enxebres de cada zona o que a fan máis bonita.
Velaquí algúns exemplos:

- A miña palabra preferida en Galego é: MADIALEVA. Escoiteina en Lugo por primeira vez e fíxome moita "gracia", é unha palabra moi peculiar, ademáis é única do galego, refírome a que non ten traducción.

- A palabra máis bonita....un bico

- A palabra que máis me gusta a min é muiñeira; gústame porque creo que é unha palabra moi significativa da nosa Galiza, xa que non a existe en ningún outro idioma. É unha palabra que para min representa a festa, o enxebre, a diversión, a felicidade...galega

- A palabra que máis me gusta é PAMPILLO. É unha palabra que lle escoitei por primeira vez a miña avoa. Cando a dixo quedei un pouco abraiada por que non tiña nin idea do que significa, pois é unha cousa moi simple, significa flor. Cómo iba a pensar eu que significaba iso?

- A palabra que máis odiamos é común: guerra.

EDUCACIÓN SEXUAL EN GALEGO

2006-06-02T10:02:00.000+02:00

Quedeime realmente sorprendida cando atopei esta páxina, A verdade é que ningún de nós atopáramos antes unha páxina parecida en castelán. Hai infinitas páxinas tanto sexuais como eróticas pero dou por feito que poucas deste tipo.
Por moi adiantada que este a sociedade a tódolos nenos resultanos “embarazoso” falar cos nosos pais deste tema. Hai cuestións que realmente intrígannos é os amigos....neste tema cada un conta a súa historia para chulear de quen foi o máis “machito” ou a máis “espabilada”, así que de pouco serven. Volvendo o dos pais, eles como moito dinnos que temos que usar preservativo, que andemos con coidado....etc, pero pouco nos interesa, ademais xa o sabemos. O que non nos contan é como chegar o pracer, que os nosos órganos sexuais serven para máis que para mexar....e é iso o que nos interesa, pero a ver quen llo pregunta....
Esta páxina é perfecta para este tipo de dúbidas, fálase destes temas dunha maneira aberta e sen tabúes, e ademáis...EN GALEGO. O enderezo é este: www.querote.org, entrade!

GRUPO DE TEATRO FALABARATO

2006-06-02T01:12:00.000+02:00

E "cansos" de falar de cousas tan alleas e acercandonos un pouco o noso entorno queremos darlles os nosos parabéns o grupo de teatro "FALABARATO", integrado por alumnos e profesores do IES A Sangriña que fixeron un gran traballo. Tamén incluir esta ligrazón onde se lle fixo unha reportaxe fotográfica moi bonita.
http://galiciasuroeste.info/reportaxes/falabarato1.htm

AS LETRAS GALEGAS: MANUEL LUGRÍS FREIRE

2006-06-01T16:35:00.000+02:00

O 20 de marzo de 1963 Manuel Gómez Román, Xesús Ferro Coselo e Francisco Fernández del Riego membros da Real Academia Galega presentaron unha proposta: que se declarase o día 17 de maio de cada ano o “Día das Letras Galegas” como data para recoller o material da cultura galega, xa que ese mesmo ano se celebraba o centenario da publicación de Cantares Gallegos de Rosalía de Castro, primeiro libro galego que tivo unha significación universal.O perseguido por estes tres membros da Real Academia Galega conseguírono tras unha votación entre os membros da mesma.

Despois fóronse celebrando cada ano días das letras galegas adicados cada un deles a unha figura significativa das letras galegas. O primeiro ano foi adicado a Rosalía de Castro e este ano 2006 escolleron para o centenario da Real Academia Galega a un histórico da cultura galega a Manuel Lugrís Freire o que chegou a ser presidente desta institución cando corría o ano 1934

Este galego naceu en Sada en 1863. Con 20 anos emigrou a Cuba e na Habana foi elixido membro da xunta directiva do Centro Galego. Alí fundou o primeiro xornal escrito integramente en galego.

En 1896 regresou a Galiza e participou en todas cantas iniciativas comprometidas coa lingua houbo: foi membro destacado da Cova Céltica, figurou entre os patrocinadores da Escola Rexional de Declamación (1903), foi un dos membros fundadores da Real Academia Galega en 1906, foi un dos fundadores do Sindicato Solidariedade Galega e o máis importante de todo: nun mitin desa formación foi o primeiro en usar o galego en público e milleiros de cousas máis.

A morte de Manuel Lugrís chegou no ano 1940 na Coruña.

ZONA DE FOROS EN GALEGO E SOBRE O GALEGO

2006-06-01T02:03:00.000+02:00

Esta sección interésanos porque consideramos a de foros una zona moi importante en internet. Nos foros pódese dende intercambiar opinións ata traballar conxuntamente...etc. Moitos deles están unicamente adicados a temas de normalización, historia da lingua galega, así como a outros temas de ocio como poden ser o deporte, a música...todos estes lugares onde se fala integramente en galego. Quizás o foro por excedencia sexa o de CiberIrmandade da Fala, onde atopas subtemas de todo tipo.

ANUNCIO FANTA

2006-06-01T01:58:00.000+02:00

Cando a calquera español lle ensinan este anuncio di: “O anuncio de fanta”, pero cando llo ensinan a un galego dicimos: “O anuncio da centola”. Os galegos sentímonos moi feridos por este tema, e que é incrible esta falta de cultura. Creo que non fai falla ser galego, para decatarse de que o que publican non é unha centola, é un boi! É posible que polos “madriles” non fagan diferenciación a hora da fala, pero para facer un anuncio, por favor, DOCUMENTÁDEVOS! Vai ser certo que hoxe en día lle dan o título a calquera....

OS CREADORES!

2006-05-31T19:11:00.000+02:00